Katuarena

Argazkiak.org | Katuarena © cc-by-sa: txikillana

Hemen duzue ariketa klasikoen artean klasikoenetakoa. Teoriak teoria bizkarrezurraren malgutasuna ezinbestean mantendu beharreko gauza da, eta horregatik ariketa hau metodo desberdinetan aurkituko duzue izen desberdinekin.

Ziatika

Irudixa: igotyaback

Nerbio sistema periferikoa irudikatuko bagenu, trikuaren antza hartuko luke gorputzak: garunaren eta ornomuinaren ardatzetik 86 nerbio irteten dira. Gero ezin konta ahala izpitan banatzen dira, hari fin-finak legez gorputzaren alde txikieneraino iritsiz. Printzipioz, nerbio eta azpinerbio horietatik guztietatik edozeinetan ager daitezke arazoak; sintomak, berriz, hondatutako nerbioak gobernatzen duen gorputz ataletan edo funtzioetan agertuko dira. Hala ere, arrisku bereziko lekuak daude; alegia, gorputzaren egiturarengatik nahiz eguneroko aktibitateengatik lesioak sarriago izaten dituzten guneak. Arrisku gune nagusietako batzuk bizkarrezurrean daude: ornomuineko nerbioek kanpora irteteko erabiltzen dituzten leihatiletan.

Gerriko errotazioa

Argazkiak.org | Gerriko errotazioa 1 © cc-by-sa: txikillana

Gaur hasten dugun serie honetan, etxean egiteko moduko hainbat ariketa aurkeztuko dizugu. Ariketa prebentibo leun hauekin min arruntenak ekidin ahal izango dituzu, eta osasun arazo handirik ez baduzu behintzat (halakoetan hobe izango duzu fisioterapia zentru batera jotzea) zure egoera fisikoa mantentzeko balioko dizute.

Informe eredu bat

Ander Zulet lankidian jakinmiñak bultzatuta, Twitterren gabizen fisioterapeuta batzu gure informe ereduak partekatzia pentsau dogu, egunerokotasunian erabilgarrixak izango jakuzen ideiak trukatzeko. Nik neuk 20 bat urte daroiadaz informiak egitten: aseguru etxien pazientien kasuetako rutinariuak, auzitegi asuntuak, kaso berezixen kontura iritzixak kolegekin trukatzeko... txostengintzia nahikua lantzen dogu gurian, eta jakin badakitt osagillien artian dakagun estimu profesionalan zati majo bat horretxegaittik dala. Guk be asko eskertzen doguz agindu eta informe onak: baleko informaziñuak biharra asko errezten dau... Halan be, dana da hobetzeko modukua. Eta, nahiz eta bestien kritikia jasotzia gogorra izan, eginbiharreko ariketa osasungarrixa eresten detsat.

Asma (ume eta nerabiak)

Irudixa: NHLBI.

Bronkiolitis/bronkitisa, asmia... paziente txiki askoren arazua dira. Gauza asko esan leikez sistema immunologikuari eta elikaduriari buruz, baitta fisioterapia aldetik egin leikiazen teknika lagungarrixen gaiñian. Halan be, gaurkuan gida hau aittatziakin, nahikua: "El asma en la infancia y la adolescencia" argitarapen ederra da, oso konpletua.Autore nagusixa Javier Korta Murua da (Donostia Ospitaleko pneumologia pediatrikoko burua), eta Maria Jose Jove Fundaziñuak argitara ekarri dau, gaisotasuna hobeto ulertzeko eta familia artian hobeto zaintzeko. Dohan jaitsi zeinkie helbide honetan. (BBVA-k bere esku zikiña sartu daben arren, ez horregaittik atzera egin: ekoizpen ona da eta halan be merezi dau).

Eskerrikasko Iñaki Billos jaunari informaziño baliotsu honengaittik.

Lotarako posturak

GureGipuzkoa.net | San Martin leizea. Barruko bigarren kanpamentua © CC BY-SA: San Martin, Juan

Osagileon lana bezain garrantzitsuak dira zure etxeko osasun ohiturak. Edo garrantzitsuagoak: azken finean, kontsultara lantzean behin baino ez zara etorriko, eta, zure buruarekin, berriz, egunero 24 orduz egon beharra duzu. Urtean 365 egunez. Denbora horretan egiten duzunak, zalantza barik, eragin gehiago izango du zure osasunean inoren esku miragarriak baino. Eguneroko bizimoduan denbora gehien eramaten diguten aktibitateak bi dira: lana eta loa. Bigarren horretan, batez beste, sei-zortzi ordu ematen ditugu egunero. Oharkabekoa izan arren, lo ondo egiteak berebiziko garrantzia du osasunerako, loaldia gure gorputzaren makinak mantentze lanetarako behar duen ezinbesteko epea baita. Hainbat aholku eman daitezke lo hobeto egiteko.

Makuluekin ibiltzeko teknikak

Irudixa: solofisio

Hanketan dakagun lesiñuan arabera, makuluak erabiltzeko formia gure komenixetara egokittu geinke. Solofisio webguneko artikulu honetan bideo eta guzti azalduta dakazuz:

-         Makulu bikin ibiltzeko lau forma desbardin.

-         Makulu bakarrakin ibiltzeko formia.

-         Eskillarak igo eta jaisteko formia.