20141113

Gerri eta izterren desoreka kronikoa



Irudixa: Gaur8

Osasun profesionalaren ikuspegitik, aseguruekin lan egiteak abantaila handia du, zalantzarik ez dago. Hemen ere inoiz aipatu dugu: lesio akutuetan, batez ere, gaitza hobeto sendatzeko aukera ematen digu, pazientearen poltsikoak asko sufriarazi barik. Halere, Osasun Aseguruek badute beste aurpegi ez hain atsegin bat: haien estaldura ez dago prestatuta paziente kronikoen beharrei erantzuteko. Horien kasuan, arazoak gorputz atal anitzetan aurki daitezkeen arren, tratamendua parte batera bakarrik zuzentzen da (ukalondoa, esate baterako). Horrek ez du emaitza onik: mina ez da guztiz kentzen, edo tratamendua amaitu eta denbora gutxira bueltatzen da... Osagileondako frustragarri xamarra da paziente horrek benetan behar duen tratamendua jakitea eta ezin eman izatea.

Egoera horretan, aseguruen lan egiteko erak ganaduaren haragiaren zatiketa ekartzen dit gogora –solomoa, izterra, xerra, sorbalda...– guk tratatu beharreko gorputz atalak irakurtzen ditudanean. Hala egiten dugu, noski; batetik, ukalondoko mina tratatzeko aginduarekin etorri den pazienteari lepoa manipulatuta, zorigaitzez, min emango bagenio, legearekin arazo larria izango baikenuke, eta bestetik, 50-60 euro balio dezakeen tratamendu batengatik sei euro jasotzeak ere ez duelako gehiegi sakontzeko astirik ematen. Aseguru-etxeetako pazienteekin, beraz, medikuak agindutakora bakarrik mugatu behar izaten gara. Salbuespen bakarrarekin: gerriko eta izterretako desorekak. Arazo beraren aurpegi biak baino ez baitira.

20141106

Azpimarran (ETB1)

Pagadizabal dardaretan.
Aspaldiko partez Azpimarra saiora bueltau naiz, biharreko atxakixan. Oso aldatuta topau dot! Saiua hazi egin da urte bixan, audientziak gora egin daben seiñale: oin bloke desbardiñez osatuta dago, gonbidatu pilluakin, gaixak zabalago landuta... Ordu ta erdiko superrekoizpena, nere sasoian ordu erdira be ez giñanian allegatzen!. Off the record esan zeskuenengaittik, astegunetan gai serixuetan ibiltzen dira, eta barixakutan chill out pizkat egitteko aprobetxatzen dabe; bloke horretan sartu nintzan ni, hain chill out eginda eze, Maddalen eta Asier aurkezliak be kantzontzillo/pantaloietan txixa egin biharrian jarri genduzen! (toma faltsuetarako materixala).

Maddalen Iriartek, Asier Odriozolak eta Jon Artanok txandaka gidatutakua da, Lehelengo Itxaso Martin eta Nagore Ferreira agertzen dira -Frantzian hildako ekologistia, “Malditas. Una estirpe transfeminista” liburua (Itziar Ziga), txakurkrossa-; gero, Peru Aranburu eta Igone Lamarain –Errigora kanpaina-; Franck Dolosorren sarrera probokatzaillian ostian, Oier Araolaza, Joseba Osa, Mikel Pagadizabal eta neu –Domusantua, Karmele Esnalen testigantzia, Artazako akelarria, osasun asuntuak, “Bodologuak” eta “Herri txiki, inpernu handi” ikuskizunak, kale-abordajia famosuei, desmadriari amaiñ emonda; gero, kazetarixak unamorixuan (Asier, Maddalen, Ana Ramos, Urko Aristi eta Jon) foballa, New Yorkeko marathoia, asteburuko egualdixa, Azpeitiko Antzerki Topaketak, Itziarko Ferixia aittatzen; Saioa Martijak albistegia aurreratzen; amaitzeko, seriotasunari barriro oratuta Lourdes Idoiaga, Eider Alkorta eta Ugaitz Crespo -ustelkerixa politikua, Kataluñako galdeketia, Oinarrizko Errenta-.

Hamen dago saiua (esteka honetan bebai).

20141011

Erabiltzen ez den hezurrak karea faltan


 Eskua igeltsuan sartuta izan dut orain dela gutxi. Hori dela eta, traumatologia eta ortopedia arloetan sakontzeko aukera izan dut, nire burua ahal denik eta ongien sendatze aldera. Izan ere, askotan frogatu dudanez, ez dago osasun arazoa norberak izatea baino hoberik horretan espezialista bihurtzeko!

20141009

“Orain lan erritmo lasaiagoa eraman dezaket”


Argazkiak.org | Abante 2 © cc-by-sa: txikillana


Oier Gorosabel eskualdeko hainbat lekutan aritu da fisioterapeuta legez joan den 21 urtean: Gernikan, Markina-Xemeinen, Mutrikun... Gaur egun Ondarroako AIXEBE fisioterapia zentruan dihardu, eta barikutik aurrera ABANTE izenekoan hasiko da, Lekeition.

Zergatik jarri duzu kontsulta Lekeition?
Orain dela 6 urteko kontua da, umeak izan ditugunetik honakoa. Ez du misterio handirik: orain nahiago dut etxetik hurbilago lan egin. Hori dela eta, Mutrikun eta Markina-Xemeinen nituen kontsultak utzi ditut, Lekeition lan egitearren. Prozesu luze xamarra izan da, ez bait nuen nahi kontsultak edonola eta edozeinen esku utzi, baina azkenean pozik nago: geure behargin izandakoek hartu dituzte, fisioterapeuta finak. Pazienteak esku onetan geratu dira.

Zenbat fisio egongo zarete ABANTE zentru berrian?
Neu bakarrik. Paziente gutxi hartuko ditut; ikasteko gogoz ere banabil, eta horretarako denbora nahi dut. Zorionez, zorrak ordainduak ditut eta orain lan erritmo lasaiagoa eraman dezaket. Benetako luxua! (barrezka).

Zer ordutegi izango duzu?
ABANTE zentruan 8:00-12:00 (astelehenetik eguenera) eta 15:00-20:00 (barikuan). Ondarruko AIXEBE zentruan, berriz, alderantziz. Ez dira ordu asko eta laster beteko zaizkigu; txanda hartu nahi duenak kontuan izan dezala! 

Kontsulta ikusterik ba al dago?
Bai, noski: etorri inauguraziora urriaren 10ean 19:00etan; pintxo eta trago batzu hartuta kontsulta erakutsiko dugu.

Lea-Artibai, Mutriku eta Busturialdeko HITZA, 2014ko urrixan 8a.

20141005

Armarixotik urten gaittian


Argazkiak.org | Abante 1 © cc-by-sa: txikillana


Azken astietan zabaldutako #PreIragarkiMisteriotsuekin eta pazientiak etxian jasotako kartekin, askok zarie gure proiektuan barri dakizuenak. Eta bai: urrixan ABANTE izeneko kontsulta barrixa zabalduko dogu Lekeition.

Oin hobeto ulertuko dozue azken urtietan egin doguzen mobimentuak; Mutrikuko eta Markina-Xemeingo zentruen eskualdaketia, batez be. Izan be, etxetik hurre biharra egitteko gogua nekan; eta oiñ arte erabilli doten erritmua bajatuta. Horregaittik, zentrua txikixa da; ni bakarrik egongo naiz; eta ez dot egunian 4-5 paziente baiño gehixago hartuko. Lasaittasuna, eta ikasteko denporia! Lujo asiatikua!

Etorri inauguraziñora urrixan 10ian, barixakua, 19:00etan! Kontsultia ikusteko aukeria izango da, pintxo eta trago batzukin lagunduta.

20140922

Ondarruko anbulatoxun, osasunan autogestiñua bultzatzen

Ba... asko poztu nau Lourdes Galarraga osakidian elkarrizketa hau, eta Ondarruko Osasun Etxian egitten diharduen ekimen honen barri izatia. Zorionez, gero eta gehixago gara pazientiak kontsultara ahal danik eta gitxien etortzia billatzen dogunok!

Osasunan autogestiñuari buruzko artikulu gehixago.

Lourdes Galarragari elkarrizketia Hitzan:
http://bizkaia.hitza.info/2014/09/19/jende-asko-erabat-analfabetoa-da-bere-buruaren-zainketan/

Ondarroako Osasun Zentroa. Argazkixa: Osakidetza


“Jende asko erabat analfabetoa da bere buruaren zainketan”

2014(e)ko Irailak 19
Nork

Osasun arazo arinak kudeatzeko norbere gorputza ezagutzeak duen garrantziaz mintzatuko da Lourdes Galarraga erizaina eguenean (Elgoibar, 1956); hitzaldi bat egingo du Ondarroako Etxelilan, 19:00etan. Hain zuzen, Automugatutako prozesu arinak eta Osasun Karpeta hitzaldia emango du, Gurutzne Osagaz batera. Duela bi urte Ondarroan abiatutako metodologiaren xehetasunak kontatu ditu osasun zentroko erizainak. Abadiño, Etxebarri eta Arrigorriagan ere badarabilte.

Zein helburugaz antolatu duzue egueneko hitzaldia?
Herritarrek gure lana ezagutzeko helburuaz. Erizainok, sendaketa beharrez gain, bestelako eginkizunak ere badauzkagu: besteak beste, pazienteak zaintzea. Prozesu arin eta mugatuetan aholkuak eman ditzakegu, sendagairik gabe konpon daitezkeen prozesuetan.

20140914

Bulegoko langileen bizkarreko minak

Irudixa: Gara


Zeharka askotan aipatu badugu ere, orain arte ez gara sekula monografikoki aritu ordenagailu parean lan egiten duten pertsonen bizkarreko minei buruz. Iratxe irakurlearen iradokizunari jarraituta, naturaren aurkako postura honetan lan egiten dutenen ajeak berdintzen saiatuko gara.

Gizakiaren gorputza korrika eta saltoka aritzeko diseinatua dago. Homo sapiens espeziea sortu zenetik, denbora gehiena piztiengandik ihesi, gure artean borrokan, ehiztari lanetan edo menhirrak garraiatzen eman dugu, labur esateko. Bizimodu mugitua, inondik ere. Horrelaxe joan zaizkigu 195.000 bat urte, harik eta orain dela gutxi (zer dira, bada, bost mila urte?) arbasoak nekazaritzan hasi zitzaizkigun arte; horrek bizimodu egonkortxoagoa ekarri bazuen ere, Neolitikotik hona neke eta izerdi ugari jasan genituen, muskuluei eta artikulazioei astindu ederrak emanaz. Bizkarreko min gutxi, artean. Azken ehun-berrehun urteetan (atzo goizetik, esateko), berriz, badirudi lehen baino gerra gutxitxoago jasan behar izan ditugula; eta, horrekin batera, lehen errege eta nobleen esku baino ez zeuden pribilejioak (egunero jatea, batez ere) populazioan asko hedatu dira. Horrekin batera etorri dira lanpostu estatikoak, bulegoak, ordenagailuak, eta abar.

Blog honen artikuluak emailez jasotzeko